Y-Max College တွင် ယခု သြဂုတ်လမှ စတင်ပြီး New Normal အသွင်ဖြင့် သင်တန်းစုံစမ်းမှုများကို ပြန်လည် လက်ခံ ဝန်ဆောင်မှု ပေးသွားမည် ဖြစ်ကြောင်း မိဘများနှင့်၊ ကျောင်းသားကျောင်းသူများအား လေးစားချစ်ခင်စွာ အသိပေးကြေငြာအပ်ပါသည်။Y-Max College သည် ကျောင်းသားကျောင်းသူများ၏ ကျန်းမာရေးကို အလေးထားသောအားဖြင့် လည်းကောင်း၊ COVID -19 ကာကွယ်ရေးအစီအစဉ်အနေဖြင့် လည်းကောင်း ကျန်းမာရေးနှင့်အားကစားဝန်ကြီးဌာန၏ လမ်းညွှန်ချက်များကို လိုက်နာကာ ၂၀၂၀ မတ်လမှ စတင်ပြီး face to face သင်ကြားခြင်း အစီအစဉ်များကို ခေတ္တရပ်နားကာ ပိတ်ထားခဲ့ပါသည်။၂၀၂၀ ဇူလိုင်လ အတွင်းမှာလည်း College တွင်ဆောင်ရွက်ထားရှိသည့် ရောဂါကာကွယ်ရေးအစီအမံများကို သက်ဆိုင်ရာ ဝန်ကြီးဌာနများမှ တာဝန်ရှိ လူကြီးများ ကွင်းဆင်းလာရောက်စစ်ဆေးမှုများလည်း လုပ်ဆောင်ထားရှိပြီး ဖြစ်ပါသည်။ယခု သြဂုတ်လမှ စတင်ပြီးလာရောက်စုံစမ်းသည့်မိဘများ ၊ ကျောင်းသားကျောင်းသူများသာမက ကောလိပ်ရှိ ဝန်ဆောင်မှုပေးသည့် ဝန်ထမ်းများအားလုံး မတပ်မနေရ Mask များအပြင် လိုအပ်ပါက Face-Shield များစီစဉ်ထားခြင်း၊ ကျန်းမာရေး စောင့်ရှောက်မှုအနေဖြင့် အဝတွင် လက်ဆေးကန်များ အလုံအလောက် စီစဉ်ထားရှိပေးထားခြင်း၊ ကျောင်းသို့ လာရောက်သောသူမှန်သမျှကို အပူချိန် တိုင်းတာခြင်း၊ Hand Sanitizer များအသုံးပြုစေခြင်း၊ Reception ကောင်တာများ တွင် အကာအကွယ် များပြင်ဆင်ထားရှိခြင်း၊ အခန်းများအားလုံးကို ပိုးသတ်ဆေးများဖြန်းခြင်း၊ သန့်စင်ခန်းများ၊နားနေခန်းများကို သန့်ရှင်းစွာထားခြင်း၊ Social Distancing အစီအစဉ်အရinquiry လာရောက်သူတိုင်းကို အနည်းဆုံး ၃ ပေခွာပြီး နေရာထိုင်ခင်းစီစဉ်ပေးကာ ဝန်ဆောင်မှုပေးခြင်း၊ ကျောင်းသို့ လာရောက်သောသူတိုင်းကို ကျန်းမာရေးဆိုင်ရာနှင့် personal အချက်အလက်များကို Software ဖြင့် daily record ရယူခြင်း၊ လိုအပ်သည့် ရောဂါကာကွယ်ရေး လမ်းညွှန်သည့် ဆိုင်းဘုတ်၊Vinyl နှင့် poster များ Y-Max College Campus တစ်ခုလုံးတွင် စီစဉ်ထားရှိပါသည်။သက်ဆိုင်ရာဝန်ကြီးဌာနမှ လမ်းညွှန်ချက်များကို စောင့်ကြည့်လိုက်နာပြီး အဆင့်မြင့်ပညာကျောင်းများ ကို ပြန်လည်ဖွင့်ရန် ခွင့်ပြုပေးသည်နှင့် ကျောင်းသားကျောင်းသူများကို တစ်ပတ် ( သို့ ) နှစ်ပတ်ကြိုတင်အသိပေးကာ ဖွင့်မည့်ရက်ကို ထပ်မံကြေငြာပေးသွားမည် ဖြစ်ကြောင်း လေးစားစွာအသိပေးအပ်ပါသည်။ကျောင်းသားကျောင်းသူများနှင့် မိဘအုပ်ထိန်းသူများအားလုံး ကိုယ်စိတ်နှစ်ပါး ကျန်းမာချမ်းသာစွာဖြင့် နေထိုင်နိုင်ပြီး၊ ကပ်ဘေးအန္တရာယ်ကာလမှလည်း အမြန်ဆုံးပြီးဆုံးလွတ်မြောက်ကာ၊ စီးပွားလာဘ်လာဘများ ဆထက်တပိုး တိုးတက်ကြပါစေလို့ Y-Max မိသားစုမှ ဆုတောင်း မေတ္တာများ ပို့သလိုက်ပါသည်။